Latest news
cyhoeddwyd 17 Mawrth 2008 Diwygio Lles
Mae'r Llywodraeth yn ymrwymedig i adeiladu cymdeithas cryf, iachus a llewyrchus, lle mae gan bawb gyfle i wireddu eu potensial.
Mae'r Llywodraeth am i gymaint o bobl â phosibl i fanteisio ar wobrau gwaith, gan mai gwaith â thâl yw'r llwybr gorau at annibyniaeth, iechyd a lles ar gyfer y rhan fwyaf o bobl.
Rydym eisoes wedi gwneud cynnydd sylweddol o ran cyflwyno cyfres o ddiwygiadau i ddiddymu’r rhwystrau sy’n atal pobl rhag gweithio, i’w helpu iddynt ddod o hyd i waith a rhoi cyfrifoldeb a’r gefnogaeth sydd eu hangen arnynt. Rydym hefyd wedi cymryd camau i sicrhau bod gwaith yn llesol. Mae’r polisïau hyn wedi ein helpu i leihau tlodi ymhlith plant a chyflenwi lefel uwch o gyflogaeth.
Ond mae angen gwneud mwy i ddiddymu’r rhwystrau y mae pobl yn eu hwynebu neu helpu iddynt eu goresgyn. Mae hyn yn arbennig o bwysig pan fod y sefyllfa economaidd yn anodd.
Y stori hyd yma
Mae diwygiadau’r Llywodraeth wedi cyfrannu at welliant arwyddocaol ym mherfformiad sylfaenol marchnad lafur y DU. Mae cyflogaeth yn parhau i fod ar lefel uwch ac mae nifer y bobl sy’n hawlio budd-daliadau diweithdra oddeutu miliwn yn llai na 1997. Rydym wedi:
- sefydlu'r Ganolfan Byd Gwaith fel sefydliad o fudd-dal i waith blaenllaw byd-eang
- cyflwyno rhaglenni cyflogaeth arloesol fel y Bargeinion Newydd
- gwella cymhellion i weithio drwy roi gwell cymorth drwy'r system credydau treth a thrwy gyflwyno'r isafswm cyflog.
- cyflwyno Llwybrau at Waith yn genedlaethol i bobl ar fudd-daliadau analluogrwydd
Ac mae’r gwaith yn parhau. Ym mis Hydref 2008, gwnaethom ddisodli budd-dal analluogrwydd ar gyfer ceiswyr newydd gyda’r Lwfans Cyflogaeth a Chymorth sy’n canolbwyntio ar yr hyn y gall pobl ei wneud yn hytrach na’r hyn na allant ei wneud. Mae’r Ganolfan Byd Gwaith hefyd wedi dechrau treialon sgiliau gwaith, gyda fframwaith cryfach o hawliau a chyfrifoldebau i rieni unigol a fydd yn dechrau ym mis Tachwedd 2008.
Edrych i’r dyfodol
Mae’r angen i greu cymorth personol i unigolion i’w helpu i ddychwelyd i’r gwaith, a’r cynnydd o ran eu cyfrifoldeb i gael y cymorth hwn yn arbennig o bwysig yn ystod sefyllfa economaidd anodd. Yn ystod Haf 2008, ymgynghorodd y Llywodraeth ar gamau nesaf y daith i ddiwygio lles. Gwnaeth y papur gwyrdd Neb yn cael ei anwybyddu: diwygio lles er mwyn gwobrwyo cyfrifoldeb cynnig:
- gwasanaeth personol i helpu ceiswyr gwaith i gael y cymorth a’r sgiliau sydd eu hangen arnynt i’w helpu eu hunain.
- cyflenwi system fwy syml o ddau fudd-dal oedran gwaith sy’n golygu y gallwn ganolbwyntio ar roi’r sgiliau i’r rhai sydd yn gallu gweithio i ddod o hyd i swyddi tra’n hefyd cynnig y cymorth cywir ar yr amser cywir i’r rheiny sydd ei angen fwyaf.
- rhoi mwy o gymorth i bobl anabl a rhoi pŵer iddynt tra y byddant yn cael gwell rheolaeth o’r cymorth y gallant ei gael gan y llywodraeth.
- cryfhau cyfrifoldeb rhieni
- sicrhau bob mwy o rieni yn cael y sgiliau a’r hyfforddiant sydd ei hangen arnynt i ddod o hyd i gyflogaeth a gwella cyfleoedd bywyd eu plant.
- cryfhau partneriaethau lleol, gan greu mwy o gyfleoedd ar gyfer darparwyr dychwelyd i waith gyflenwi gwell hyblygrwydd a chymorth i helpu ceiswyr gwaith er mwyn iddynt gael mynediad at waith o fewn y farchnad lafur lleol.
Daeth yr ymgynghoriad i ben ar 22 Hydref 2008 a bydd ymateb yn cael ei gyhoeddi yn ystod y misoedd i ddod.
Gwyliwch dair ffilm fer sy'n archwilio'r camau y mae rhai o'n cwsmeriaid wedi eu cymryd er mwyn cael gwaith ar ôl cyfnod hir o ddiweithdra.